AO
Ko wai. No hea.
He uri ahau nō te taihauāuru.
I tipu ake au i raro i te maru o taku koroheke, a te maunga tītohea. Reira ai aku iwi e takoto rawa ana i ōna rekereke. Ka titiro au ki te raki o te maunga, ki Tokomaru waka, ki te kāinga o Te Ati Awa iwi, e rere mai ana ngā wai o W(h)aitara, rere kau ana ki a Otaraua, te ūkaipō o taku pāpā. Tū tonu mai te whare o Otaraua.
Whakahoki mai ki te tonga o te maunga, ki ngā tongi o Ngāti Ruanui. Whakairoiro ana ngā wai o te Waingōngōrō mai i te ikeikenga o Tūhirahira tae noa ki te moana o Ohawe. Ko Araukuku te hapū, ko Ngārongo te marae. Haere tonu rā ki roto o Ngaruahine Rangi, ki te wāhi tūturu o Kanihi-Māwhitiwhiti, arā ko Te Rua o te Moko tērā. E kore e warewaretia i aku tūpuna, rātou i hinga i ngā māwhitiwhiti o te Kāwana. Tū tonu mai e taku whare o Kanihi e takotoria ki runga te whenua o Umutahi, tū whakahīhī nei e aku whanaunga o Kanihi-Umutahi.
E ai ki te kōrero o taku tūpuna, "E kore au e mate, ka mate ko te mate, ka ora tonu ahau!" - Titokowaru
Tīhei Mauri Ora